Njihuni më mirë me Audi A7 Sportback

Gjenerata e re Audi A7 Sportback kishte debutuar zyrtarisht në tetor të vitit 2017, ndërsa shitjet kanë filluar nga fillimi i vitit 2018.

Audi A7 Sportback i ri hyn në arenën e veturave coupe me katër dyer, me një dizajn të bukur dhe shumë lloje teknologjish mbresëlënëse.

Proporcionet e saj të kombinuara me shpatullat dinamike dhe kulmin e pjerrët, i japin qëndrim ekzotik në rrugë, dhe jo vetëm kaq.

Në total, Audi do të ofrojë jo më pak se 39 sisteme të asistencës së shoferit, të cilat janë të ndara në tre pako: Park Assist, City Assist dhe Tour Assist. Mes tjerash, Audi A7 Sportback i ri përmban pesë sensorë radar, një skanim laser, një kamerë përpara, katër kamera 360 shkallë dhe jo më pak se 12 sensorë tejzanor.

Audi A7 Sportsback i ri debuton me motor 3.0-litërsh V6 TFSI me 335 kuajfuqi që përshpejtimin prej 0 në 100 km/orë e arrin për 5.3 sekonda. Shpejtësia maksimale e tij është 250 km/orë.

Motorët tjerë me katër dhe gjashtë cilindra dizel dhe benzinë do të vijnë më vonë. /IndeksOnline/