Për 24 orë shqiptohen afër një mijë tiketa të trafikut

Janë shqiptuar gjithsej 972 gjoba të trafikut në 24 orët e fundit nga Policia e Kosovës.

Përmes raportit 24 orësh, Policia ka bërë të ditur se kanë ndodhur gjithsej 48 aksidente, prej tyre 16 përfunduan me të lënduar, kurse 32 sosh nuk rezultuan me të lënduar.

Gjatë ditës së djeshme në territorin e Kosovës nuk ka ndodhur asnjë aksident me pasoja fatale.

Në mbajtje janë dërguar 16 persona, kurse 20 të tjerë janë arrestuar. Policia po ashtu bëri të ditur se dy persona u dërguan në vuajtje të dënimit.