Për shkak të sigurisë së femrës, Parku i Prishtinës ndriçohet me ngjyrë të portokalltë

Në ditën Ndërkombëtare për eliminimin e dhunës ndaj grave, Parku i Qytetit në Prishtinës është ndriçuar me ngjyrë të portokalltë, ngjarje kjo që nisi edhe fillimin e fushatës 16 Ditët e Aktivizmit kundër dhunës në baza gjinore.

Ky aktivitet u organizua nga Komuna e Prishtinës në bashkëpunim me UN Women dhe UN Habitatdhe  ka për qëllim vetëdijësimin ndaj diskriminimit në baza gjinore, duke theksuar rëndësinë e aspektit të planifikimit urban në këtë temë, përcjellë Indeksonline.

Në këtë ngjarje mori pjesë edhe vet i pari i Prishtinës, Shpend Ahmeti. Ndërsa mbështetje të kësaj fushate, ndërtesa e Komunës së Prishtinës do të qëndrojë e ndriçuar me ngjyrë të portokalltë për 16 ditë./Indeksonline/