Perez i përgjigjet Tebas pas planeve për t’i zhvilluar ndeshjet në ShBA
Presidenti i Real Madridit, Florentino Perez publikisht ka dalur kundër planeve të shefit të La Ligas, Javier Tebas për t’i zhvilluar ndeshjet e kampionatit në ShBA.
”Ne nuk do të shkojmë në Shtetet e Bashkuara. Nuk e di se në interesin e kujt është kjo, por nuk është në interesin e klubeve dhe tifozëve”.
”Kategorikisht, ne do të refuzojmë”, tha Perez në takimin e sotëm të Asamblesë së Anëtarëve, transmeton IndeksOnline.
Pavarsisht kundërshtimit të Federatës spanjolle, FIFA-s dhe Shoqatës së Futbollistëve të Spanjës, Tebas ka insistuar se ndeshja e këtij sezoni, Girona – Barcelona do të zhvillohet në ShBA.
Tani, Real Madridi është klubi i fundit që e ka refuzuar këtë plan të Tebas.
Përndryshe, plani i Tebas është pranuar nga Barcelona dhe Girona, klube të cilat priten të përballen në Amerikë në janar./IndeksOnline/