Përfundojnë ndeshjet e Superligës, këto janë rezultatet
Sot janë zhvilluar tri ndeshjet e xhiros së pestë të Superligës së Kosovës.
Në stadiumin “Zahir Pajaziti” në Podujevë, Llapi ka ndalur ecurinë pozitive të Flamurtarit prej katër fitoreve radhazi.
Skuadra e drejtuar nga Bylbyl Sokoli barazoi pa gola për të siguruar një pikë.
Në ndeshjen tjetër që u zhvillua në stadiumin “Përparim Thaqi” në Prizren, Liria ka mposhtur KEK-un me rezultat të thellë 6-2.
Golat për Lirinë i shënuan dy Karahoda (30’ dhe 89’), dy Gashi (41’, 69’), Fetahaj (44’), Gjergjaj (55’).
Ndërsa për skuadrën nga Kastrioti shënuan Stullqaku (65’) dhe Grajqevski (75’).
Ndeshja e zhvilluar në “Riza Lushta” ndërmjet Trepça ’89 dhe Drenicës përfundoi në barazim 1-1.
Sloshi kaloi mitrovicasit në epërsi në minutën e tretë ndërsa barazoi Dajaku në minutën e 39-të të ndeshjes.
Me këto tri ndeshje përfundon xhiro e pestë e Superligës së Kosovës. /IndeksOnline/