Policia jep detaje për vrasjen në Ferizaj
Policia rajonale e Ferizajt ka dhënë detaje për personin që u gjet i vdekur afër Stacionit të Autobusëve në Ferizaj.
Agim Gashi, zëdhënës i policisë rajonale të Ferizajt ka thënë për Indeksonline se viktima u gjet i vdekur, pasi u gjuajt me armë zjarri.
“Rreth orës 12:30 ka ndodhur rasti. Bëhet fjalë për një gjuajtje me armë zjarri, një person ka ndërruar jetë sipas mjekut kujdestar, është i moshës 25-30 vjeç, policia po merret me rastin”, tha Gashi.