Prishtina pa Korenicën në ndeshjën ndaj Dritës
Prishtina do të jetë me dhimbje koke në ndeshjen e Superkupës me Dritën.
Takimi që do të hap stadiumin “Fadil Vokrri” më 13 gusht, do të luhet pa lojtarin më në formë të bardhekaltërve, përforcimin e ardhur nga Liria, Meriton Korenica.
“Suspendimi më i çuditshëm është i Korenicës. Publiku i shumtë që pritet të jetë prezent, nuk do të mund të shijoj paraqitjen e tij. Korenica me Lirinë ka 4 karton të verdhë dhe sipas rregullave ndeshja e Superkupës e ka tretmanin e ndeshjes së fundit kampionale të edicionit paraprak të garave. Dhe në këtë mënyrë trajtohen futbollistët e ndëshkuar me karton të verdhë apo të kuq”, thuhet në njoftimin e Prishtines.
Korenica në fitoren 3:1 në miqësore ndaj Tiranës, shënoi het-trik.
Prishtinës i mungojnë edhe Armend Dallku, që ende nuk dihet nëse do të jetë pjesë e Prishtinës, dhe Debatik Curri, për shkak të kartonëve të kuq të marrë nga ndeshja e fundit kampionale me Dritën.