Prokuroria deklarohet për vrasjen e 29 vjeçarit në Deçan

Agonis Tetaj, i moshës rreth 29 vjeç është personi i cili u vra sot në Deçan.

Rastin e ka konfirmuar edhe Prokuroria Themelore në Pejë.  Zyrtari për informim i Themelores, Shkodran Nikçi ka thënë  se trupi i të privuarit nga jeta A.T, me urdhër të prokurorit është dërguar për në obduksion.

Më tej, ai ka shtuar se ekipet policore kanë arrestuar menjëherë të dyshuarin e këtij rasti, Sh.G dhe ka theksuar se kërkesa ndaj tij për caktimin e ndonjë mase të ndalimit do të parashtrohet sipas afateve ligjore.

“I dyshuari Sh.G. është arrestuar dhe në bazë të aktvendimit të prokurorit kujdestar është ndaluar për 48 orë gjersa për të njëjtin do të parashtrohet edhe kërkesa për caktimin e paraburgimit”, ka thënë Nikçi për “Indeksonline”.

Më tutje, Nikçi ka treguar  se nga vendi i ngjarjes  janë siguruar të gjitha provat. Sipas tij, për momentin për shkak të fshehtësisë së hetimeve nuk mund të japin informata më shumë.

Ndryshe, i ndjeri ishte i martuar dhe pas vetës ka lënë dy djem binjakë./Indeksonline/

Ky është Agonisi, 29 vjeçari që u vra sot në Deçan

Detaje rreth vrasjes së 29 vjeçarit në Deçan

Vritet një person në Deçan