Putin i “hakmerret” shteteve që i vunë sanksione: Gazin mund ta bleni vetëm me rubla!
Rusia po reagon ndaj zhvlerësimit të monedhës së saj si pasojë e sanksioneve ekonomike. Vendet që janë në “listën e zezë” të Moskës do të mund të marrin gazin rus në këmbim të rublave.
Klientët në vendet e BE-së do të duhet të paguajnë në rubla për dërgesat e gazit nga Rusia. Presidenti rus Vladimir Putin të mërkurën udhëzoi qeverinë të ndalojë pranimin e pagesave në dollarë ose euro.
Dërgesat do të vazhdojnë të jenë plotësisht të garantuara, siguroi shefi i Kremlinit në një video-konferencë të qeverisë që u transmetua në televizionin shtetëror.
Pagesa për mallrat ruse në valutë të huaj ka humbur kuptimin e saj.
“Banka qendrore dhe qeveria ruse tani kanë një javë kohë për të përcaktuar modalitetet për kalimin nga pagesat e këmbimit valutor në rubla”, tha Putin./Indeksonline/