Putin më 17 janar në Serbi, nënshkruhen mbi 20 marrëveshje
Presidenti rus, Vladimir Putin do të vizitojë Serbinë më 17 janar. Kjo gjë u bë e ditur nga kabineti i presidenti serb, Aleksandar Vuçiq.
Edhe pse programi i vizitës nuk është shpallur, nga njoftime te mëparshme është theksuar se gjatë vizitës së Putin-it, do të nënshkruhen më shumë se 20 marrëveshje bashkëpunimi dypalëshe në fusha të ndryshme dhe se do të diskutohet për realizimin e projekteve të dy vendeve në fushën e energjisë, infrastrukturës dhe inovacionit, transmeton Indeksonline.
Ndryshe Putin dhe Vuçiq u takuan herën e fundit në Moskë më 2 tetor të vitit të kaluar./Indeksonline/