Ramadani do t’i shtrëngoj duart me Gerrardin/ “Kundërshtari është shumë i fortë”!

Skuadra e Shkupit kishte fatin që pas 14 viteve rikthim në skenën evropiane të merr në shortin e raundit të parë kualifikues, një nga skuadrat më me famë evropiane si dhe më e vështira nga katër ekipet tjera që ishin si mundësi shorti.

Menjëherë pas shortit shkurt ka komentuar edhe trajneri Zekirija Ramadani.

“Kundërshtar më të fort nuk kishte mundësi të marrim. Por ne duhet të përgatitemi që ta përfaqësojmë klubin tonë me dinjitet në Evropë. Sigurisht se në futboll ndodhin mrekulli, ndërsa ne të shpresojmë në fat dhe në ndihmën e Zotit dhe ndoshta edhe kualifikim. Por duet ta kemi parasysh se favorit absolut është Glasgow”, ka thënë Ramadani.

Ndeshja e parë Rangers vs Shkupi do të luhet me 12 korrik në Skoci, ndërsa ajo e kthimit do të jetë me 19 korrik në Shkup.