Ramos jep versionin e tij pasi i ”shkeli” këmbën Sterling – gjithçka që ndodhi
Sergio Ramos e ka dhënë versionin e tij pas tentimit për ta ”shkelur” Raheem Sterlingun duke postuar një video në Twitter për të treguar gjithçka që ndodhi.
Mbrojtësi spanjoll ishte kritikuar për veprimin e tij kundrejt sulmuesit anglez në ndeshjen, Spanjë – Angli, në kuadër të Ligës së Kombeve.
Nuk është hera e parë që Ramos përfshihet në momente kontraverse në fushën e lojës, dhe menjëherë kritikët iu vërsulën mbrojtësit të Real Madridit.
Deri më tani, Ramos nuk kishte reaguar për këtë, por të mërkurën, sot, dy ditë pas ndeshjes, spanjolli e theu heshtjen në rrjetet sociale, transmeton IndeksOnline.
Duke postuar një video në Twitter, e cila tregon incidentin nga një pamje tjetër, Ramos e përshkroi videon kështu: ”Asgjë tjetër për të thënë”.
Pamjet tregojnë reagimin e Sterling nga një ndërhyrje e mëparshme, para se Ramos të arrinte te këmba e sulmuesit të Manchester Cityt./IndeksOnline/
???
Nada más que decir.
Nothing else to say. pic.twitter.com/BCuQI3n7hT— Sergio Ramos (@SergioRamos) October 17, 2018