Ramush Haradinaj bën nderime të heroi Zymeri (Foto/Video)

Janë bërë shtatë vite nga rënia e policit Enver Zymeri.

Për nder të përvjetorit  të tij, Policia e Kosovës ka organizuar një ceremoni tek lapidari i heroit, përkatësisht në kompleksin e Drejtorisë së Përgjithshme të Policisë në Prishtinë.

Tek lapidari i tij, janë të shumtë ata që po e nderojnë duke vendosur kurora me lule.

Edhe i pari i shtetit, Ramush Haradinaj ka përkujtuar heroin Zymeri, raporton Indeksonline.

“Homazhe në nderim të shtatë vjetorit të rënies së Heroit Enver Zymberi në mbrojtje të Republikës së Kosovës. Është frymëzuese sakrifica e tij në shërbim të vendit dhe shembull i mbrojtjes së rendit kushtetues”, ka thënë Haradinaj.

Ai me nderime shtetërore ka vendosur lule tek pllaka përkujtimore e tij.

I pranishëm ishte edhe ushtruesi i detyrës së drejtorit të Përgjithshëm të Policisë, Naim Rexha, i cili nderoi Zymerin.

Pas përfundimit të vendosjes së kurorave me lule tek lapidari, do të vazhdohet për në vendlindjen e Heroit Zymeri në fshatin Dubovc të Vushtrrisë, ku fillimisht do të bëhen homazhe tek varri i tij dhe më pastaj do të vizitohet edhe familja e heroit./Indeksonline/