Albanian
English
Serbian
TurkishReagon presidenti i Dritës pas rezultateve negative
Drita po kalon momente shumë të vështira në këtë fillim të kampionatit.
Kampionët në fuqi të Superligës kane vetëm 3 pikë në pesë ndeshjet e para dhe gjenden në vendin e parafundit në tabelë.
Për këtë kanë dhënë dorëheqje edhe trajneri dhe drejtori sportiv i skuadrës gjilanas.
Për këtë ka reaguar edhe presidenti i klubit, Valon Murseli.
Ai ka kërcënuar të gjithë ata “që nuk derdhin djersë për skuadrën” se do të largohen nga klubi.
Ky është postimi i Murselit në Facebook.
Më vjen shumë keq që në këto momente nuk jam fizikisht në mesin e stafit, lojtarëve dhe të gjithë juve që së bashku, jo shumë larg nga sot, festuam dhe u gëzuam në momentet historike që nuk do të harrohen kurrë.
Ne e realizuam vetëm një hap drejt ëndrrës të cilën e kemi, të shohim Dritën të fortë, konkurruese dhe ekip shumë te respektuar brenda dhe jashtë Kosovës.
Fanela e klubit peshon rëndë, këtë e dijnë të gjithë.
Çdo kush që ështê i kënaqur nga ajo që e arritëm dje, e nuk ka motiv të derdhë djersë sot..le t’a dijë që nuk ka vend në mesin tonë.
Te gjithë ne ndihemi fajtorë për mosrezultatet që i kemi tani, jo vetëm treneri dhe drejtori sportivë që dhanë dorheqje, por ne e kemi respektu vendimin e tyre!
Askush nuk e do suksesin e Dritës më shumë se ne, që nuk kursejmë asgjë dhe sakrifikojmë gjithcka.
Jam munduar që të krijoj kushte optimale të punës për stafin dhe mbështetje racionale e t’meritueshme për lojtarët.
Unë i kam qëndruar pas fjalëve të mia.
Ne si individ shkojmë e vijmë por Drita do të mbetet përgjithmonë.
Kërkoj nga të gjithë tifozët që thellësisht e ndjejnë dashurinë për klubin, t’a mbështesin ashtu siq kanë vepruar gjithmonë.
Pas të gjithë atij suksesi, klubin e kapi euforia dhe vetëkënaqësia.
Do të kthehemi shumë shpejt të diciplinuar dhe me përgjegjësi.
Nuk do t’a lejoj askë të luaj me ndjenjat tona.
Nga java e ardhshme pres reflektim ndaj situates dhe vazhdimësi të asaj që lam pas kampionatin e kaluar.
Sidoqoftë ata që e duan Dritën po si ne, të qëndrojnë të qetë sepse klubi është në duar të sigurta.
Me shumë respekt, i juaji
Valoni.
⚽
?
