22:05 / E Hënë, 08 Janar 2018 / indeksADMonline

Rikthehet Pato: Milani shtëpia ime e dytë!

Në Kinë tërhoqi vëmendjen dhe i bëri të gjithë të flisnin për atë, për shkak të modelit dhe ngjyrës platin të flokëve, por gjithashtu edhe për numrin e golave, që tashmë është rikthyer të jetë i madh, si në kohët më të bukura të karrierës së tij. Statistika pozitive dhe formë e mirë fizike që e bëjnë braziljanin Alexandre Pato nostalgjik për Milanin dhe gjithashtu optimist për një rikthim të mundshëm, te kuqezinjtë, ose të paktën në Europë.

“Milan është shtëpia ime, klubi i parë ku kam luajtur jashtë Brazilit, që më dha mundësinë të fitoj dhe të luaj në Europë me kampionë të mëdhenj. Jam i lumtur kur Milan fiton, jam një tifoz. Kam akoma shumë miq aty, dëgjohem gjithmonë me Galliani dhe Berlusconi nëpërmjet Whatsapp. Tani ka pronarë të rinj në krye të klubit, por shpresoj që të qëndrojë gjithmonë madhështor. Sot jam në Kinë dhe ndihem mirë, por nëse do të mbërrinte ndonjë telefonatë nga Milan, ose nga një tjetër klub në Europë, do të mendohesha”, deklaroi sulmuesi i Tianjin Quanjian.

Temat: