21:30 / E Hënë, 22 Tetor 2018 / indeksADMonline

Serbët vazhdojnë ta braktisin FSK-në, ndonëse Haradinaj u bëri thirrje për të kundërtën

Po vazhdon presioni nga jashtë tek pjesëtarët e komunitetit serb në Forcën e Sigurisë së Kosovës edhe pas kalimit në lexim të parë të pakos ligjore, e cila i hap rrugë FSK-së për t’u bërë ushtri.

Merret vesh se edhe sot janë dorëzuar disa kërkesa nga këta pjesëtarë të FSK-së nga komunitetit serbë, cilët kanë kërkuar ta dorëzojnë detyrën

Këtë e ka konfirmuar për televizionin publik ministri i FSK-së, Rrustem Berisha, i cili ka thënë se kërkesat nga serbët për largim nga FSK, janë në rritje.

“Kjo gjë sipas tyre po vjen si pasojë e presionit të madh që po vjen nga jashtë”, ka thënë Berisha.

Ai ka treguar se deri më tani 52 pjesëtarë të komuniteti serb e kanë dorëzuar detyrën, ndërsa kërkesat e këtyre të fundit do të shqyrtohen sipas procedurave ligjore që janë në fuqi.

E për largimin e pjesëtarëve serb sot foli edhe Kryeminstri Ramush Haradinaj.

Ai në një ligjëratë që mbajti para studentëve të AUK-ut, u bëri thirrje pjesëtarëve të komunitetit serb që mos ta lënë detyrën në institucionin më kredibil në vend.