Serbia vazhdon lobimin kundër Kosovës për Interpol
Serbia po vazhdon që të bëjë veprime kundër Kosovës përkundër që po kërkojnë normalizimin e marrëdhënieve.
Shteti serb duket se ka filluar një ‘turne’ kundër Kosovës për anëtarësimin në Interpol, transmeton Indeksonline.
Sekretarja shtetëror i Ministrisë së Brendshme, Biljana Popovic ishte gjatë ditës së sotme në Azerbajxhan dhe përcolli argumentet e Serbisë kundër kërkesës për rishqyrtim të Kosovës për anëtarësim në Interpol.
Ajo i tha zëvendësministrit të Punëve të Brendshme të Azerbajxhanit se pranimi i Kosovës në Interpol do të përfaqësonte një precedent serioz dhe se do të hapte probleme për të gjitha vendet.
Një lobim i tillë ishte bërë edhe herën e fundit kur Kosova kishte tentuar të anëtarësohej./Indeksonline/