Studimi i ri: Këto janë 5 këngët më të rrezikshme gjatë vozitjes

Gjatë vozitjes për në dyqan ushqimor apo qoftë një udhëtim i gjatë argëtues, muzika mund të ndihmojë që kilometrat të ecin më shpejtë.

Por, me sa duket, jo të gjitha këngët janë të përshtatshme në një makinë kur është fjala për sigurinë në rrugë.

Një studim i ri i kryer nga ofruesi i financave të automjeteve në Britani, Moneybarn, zbulon se shumica e këngëve të preferuara për shumë shoferë janë në të vërtetë të rrezikshme pas timonit. Në përgjithësi, muzika me një BPM (rrahje në minutë) më të madhe se 120, mund të ketë një ndikim negativ gjatë vozitjes tuaj duke rezultuar në shpejtësi më të madhe dhe më shumë shkelje të trafikut, transmeton IndeksOnline.

Por cilat janë këngët më të rrezikshme? Sondazhi i Moneybarn mori 96 këngët më të njohura në Spotify dhe identifikoi “American Idiot” nga Green Day, si më të rrezikshmen nga të gjitha gjatë ngasjes. Tjetra është “Party in the USA” nga Miley Crus, e ndjekur nga “Mr. Brightside” nga The Killers, “Don’t Let Me Doën” nga The Chainsmokers dhe “Born to Run” nga Bruce Springsteen.

Interesante, më pak se 30 për qind e këngëve më popullore në Spotify konsiderohen të “sigurta” gjatë vozitjes. “Stairëay to Heaven” e Led Zeppelin është kënga “më e sigurt” për ta dëgjuar. Poashtu edhe “Under The Bridge” nga Red Hot Chili Peppers.

Top 5 këngët më të rrezikshme për vozitje:
1. American Idiot – Green Day
2. Party in the U.S.A – Miley Cyrus
3. Mr. Brightside – The Killers
4. Don’t Let Me Doën – The Chainsmokers
5. Born to Run – Bruce Springsteen

Top 5 këngë më të sigurta për vozitje:
1. Stairëay to Heaven – Led Zeppelin
2. Under the Bridge – Red Hot Chili Peppers
3. God’s Plan – Drake
4. Africa – Toto
5. Location – Khalid

“Është me të vërtetë interesante ta kuptosh se si diçka e pafajshme si zgjedhja e një liste gjatë vozitjes, potencialisht mund të ketë një ndikim negativ në makinën tuaj”, shtoi Schëarz.

Studimi i Moneybarn zbuloi gjithashtu se nuk është vetëm tempo dhe energjia e një kënge që mund të ndikojë negativisht në makinën tuaj. Vëllimet me zë të lartë besohet të rrisin kohën e reagimit dhe shkallën e zemrës. /IndeksOnline/