Superliga e Kosovës: Baras në ”Rexhep Rexhepi”, Llapi po e ”shkatërron” Ferizajn
Ka përfunduar pjesa e parë mes Feronikelit dhe Ballkanit në kuadër të javës së tretë në Superligën e Kosovës në futboll.
Pas 45 minutave, ndeshja në ”Rexhep Rexhepi” është baras, 0-0, me një dominim të lehtë të skuadrës drenicase.
Pas dy ndeshjeve të para, Feronikeli ka vetëm dy pikë të grumbulluara, ndërsa fitorja sot është opsioni i vetëm.
Ndërsa, Ballkani e ka nisur sezonin e ri me një fitore dhe një humbje, andaj sot mund ta befasojë keq Feronikelin, transmeton IndeksOnline.
Nga ana tjetër, në Podujevë, Llapi është duke e shkatërruar Ferizajin me rezultat, 3-0 pas pjesës së parë.
Golat për skuadrën llapjane i shënuan Januzi (’11), Zhdrella (’26) dhe Shabani (’36).
Mbetet të shihet nëse Ferizaji mund ta befasojë skuadrën nikoqire në pjesën e dytë./IndeksOnline/