Superliga e Kosovës në basketboll, nesër derbi mes Bashkimit dhe Prishtinës

Në kuadër të Superligës së Kosovës në basketboll, këtë mesjavë do të zhvillohen katër ndeshje interesante.

Padyshim, kryendeshja e kësaj mesjave do të zhvillohet në Prizren mes Bashkimit dhe Prishtinës.

Prishtina, si lidere, do të tentojë që ta mbajë vendin e parë në renditjen tabelare me një fitore eventuale nesër, transmeton IndeksOnline.

Por, Bashkimi, si kampion në fuqi, nuk do të lejojë edhe aq lehtë kryeqytetasit të triumfojnë.

Ndeshjet tjera që zhvillohen sonte janë, Borea – Lipjani, Rahoveci – Trepça dhe Ylli – Kalaja.

Përndryshe, Prishtina është lidere me 18 pikë pas 9 ndeshjeve, dhe pa asnjë humbje këtë sezon.

Tutje, Rahoveci vshtë në vendin e dytë me 17 pikë – 7 fitore dhe 3 humbje, e ndjekur nga Ylli me 16 pikë – 6 fitore dhe 4 humbje.

Në dy vendet e fundit janë Borea me 13 pikë dhe Lipjani me vetëm 11 pikë./IndeksOnline/