Theret me thikë një person në Podujevë, dërgohet në QKUK

Një person është therë me thikë në Podujevë, dhe i njëjti pasi është dërguar në Emergjencën e Podujevës, për shkak të gjendjes së rëndë është nisur për në QKUK.

Dëshmitarët për Indeksonline bëjnë të ditur se ngjarja ka ndodhur rreth orës 14:00 afër Spitalit në Podujevë.

Sipas të njëjtëve kanë qenë katër persona të cilët me një veturë i kanë dalë një personi përballë dhe gjatë përleshjes njëri nga ta ka mbetur i therur.

Thuhet se ai ka pësuar gjakderdhje të madhe në qafë.

Policia ka dalë në vendin e ngjarjes dhe janë duke u marrë me rastin në fjalë. /Indeksonline/