Tryezë shkencore për tekstet shkollore të historisë
Instituti Albanologjik-Prishtinë, gjegjësisht Dega e Historisë-IAP, do të organizojë tryezën shkencore me temën “Tekstet shkollore të historisë në Republikën e Kosovës (probleme dhe sfida)”.
Ky aktivitet do të mbahet më 14.04.2026, e marte, ora 10:00, në sallën e katit të epërm të Institutit Albanologjik-Prishtinë.
Në këtë tryezë shkencore do të trajtohet një sërë çështjesh të librave shkollore të historisë, aspektet e mësimdhënies në raport me historiografinë, dhe praninë dhe prezantimin e faktografisë në tekstet shkollore që nga periudhat e mëhershme dhe deri më sot.
Këshilli organizativ i tryezës përbëhet nga z. Nuridin Ahmeti, këshilltar shkencor dhe shef i Degës së Historisë-IAP dhe znj. Zana Hoxha, hulumtuese e pavarur shkencore në Degën e Historisë-IAP, studiues e arkeologjisë.
Fjalën hapëse do ta mbajë z. Nuridin Ahmeti, ndërsa me kumtimet e tyre do të na nderojnë këta studiues:
- Ibrahim GASHI, “Historia publike si qasje bashkëkohore në mësimdhënien e historisë”,
- Abdurrahim MAXHUNI, “Terminologjia si mjet ideologjik në tekstet shkollore të historisë
- Veli KRYEZIU, “Mësimdhënia e historisë përmes mediave”,
- Xhemajl HALILI, “(Dis)balancimi mes kombëtare dhe asaj rajonale në rezultatet lëndore në nivelin e dytë të Arsimit Parauniversitar në Kosovë”,
- Blerim HALILI, “Kujtesa kolektive në librat shkollorë të historisë, një perspektivë për të ardhmen”,
- Nuridin AHMETI, “Tryezat për tekstet shkollore të historisë në Kosovë: temat, debatet dhe ndikimi i tyre”,
- Bekim PACI, “Sfidat në shkrimin e teksteve shkollore të historisë në Kosovë”,
- Kadire HAZERAJ, “Sfidat në mësimdhënie dhe mësimnxënie në lëndën e historisë”,
- Dren BRAHIMAJ, “Dominimi i faktografisë në librat shkollorë të historisë në Kosovë: një studim empirik”,
- Zana HOXHA, “Prezantimi i Dardanisë në tekstet shkollore të historisë së Kosovës”.
Kryesia e punës në këtë tryezë përbehet nga z. Ibrahim Gashi dhe znj. Kadire Hazeraj, ndërsa fjalën përmbyllëse do ta mbajë z. Blerim Halili.
