Vepra artistike e Dembeles: Presion dhe vrapim i ”çmendur” prej 50 metrash për të shënuar gol
Pavarsisht disa problemeve disiplinore kohëve të fundit, Ernesto Valverde ia besoi vendin e titullarit Ousmane Dembeles mbrëmë.
Dhe sulmuesi francez ia shpagoi besimin vetëm pas shtatë minutash lojë në ndeshjen ndërmjet Barcelonës dhe Tottenhamit.
Ish-anëtari i Dortmundit ia dhuroi Barcelonës epërsinë në minutat e para të ndeshjes me një ”vepër artistike”, transmeton IndeksOnline.
Dembele, i cili u vonua dy orë në stërvitjen e së dielës, ua mbylli gojën kritikëve, duke dhuruar një paraqitje impresive mbrëmë në ”Camp Nou”.
Te momenti i golit, ai shmangi presionin e mesfushës së Tottenhamit dhe shfrytëzoi siç duhet gabimin e Walker-Peters.
Një vrapim i pandalshëm nga ai prej 50 metrash e vendosi atë në zonën e rrezikshme të Spurs, ku ai shënoi pa problem ndaj Hugo Lloris./IndeksOnline/
DEMBELE WOOOOWWW pic.twitter.com/ziS89PRHCO
— FCBCOMPS10 (@FCBComps10) December 11, 2018