Warriors e nis me triumf mbrojtjen e titullit, Celtics regjistron fitoren e parë

Me dy ndeshjet e mbrëmshme ka filluar sezoni i ri në ligën më të fortë të basketbollit në botë.

Golden State Warriors e ka filluar mbrojtjen e titullit të kampionit të NBA-s me fitore para shikuesve të vetë.

‘Luftëtarët’ treguan lojë më të mirë në Oracle Arena duke triumfuar kundër Oklahoma City Thunder me rezultat 108-100.

Thundersat vetëm në çerekun e tretë treguan paraqitje më të mirë ndërsa tre periudhat tjera i takuan vendasve.

Para se të fillojë ndeshja lojtarët vendas kishin arsye për të festuar pasi pranuar unazat e kampionit nga zyrtarët e NBA-s.

Stephen Curryt dhe Kevin Durantit i munguan vetëm edhe nga një kërcim për të regjistruar ‘doyuble-double’ e parë sezonal. I pari arriti të shënoi 32 pikë, gjersa u ndihmua me 27 pikë nga Durant.

Te ekipi mysafirë më i miri në parket ishte Paul George, i cili realizoi 27 pikë, 5 asistime dhe tre kërcime.

Ndeshjen e radhës kampionët do ta zhvillojnë kundër Utah Jazzit gjersa Oklahoma do të ballafaqohet me Los Angeles Clippersat.