Zyrtari policor: Kemi edhe armë që i mbajmë larg syve të publikut (Video)

Emisioni “Drejtësia në Kosovë” solli detajet se si u planifikua dhe si u realizua mbrojtja e institucioneve të Republikës së Kosovës dhe liderëve shtetërorë në ditën e shpalljes së Pavarësisë 10 vjet më parë.

Në arsenalin e trajnimeve dhe analizave inteligjente Njësia nuk mund të garantojë siguri pa armët e zjarrit.

Në arsenalin e Njësisë janë armët standarde por gjithmonë ekziston edhe diçka që për publikun mbahet sekret.

“Njësia e Mbrojtjes së Afërt është e pajisur me disa lloje të armëve, duke filluar prej pistoletës “Glock 19X9”, është e pajisur edhe me dy lloje të tjera të armëve të gjata që janë familje e “Hecklerit” , ky është ‘MP5” i gjatë 9 milimetrash me optikë dhe laser mirëpo laseri është përparësi sepse nëse shikon në optikë vetëm atëherë duket laseri, është armë operative, është armë defensive që përdoret nga të gjitha njësitë elite në botë”, theksoi trajnuesi i gjuajtjeve me armë në Policinë e Kosovës.

“Ndërsa kemi edhe armë tjetër të familjes së “Hecklerit” është “MP5 klein” në gjuhën gjermane është armë e shkurtër e përdorshme edhe për teshat kate dhe nuk vërehet gjatë kahës në formacion nën pallto të gjatë”, tha njëri nga trajnerët e armëve në Policinë e Kosovës.

Armët e gjata janë paraparë të përdoren në turma dhe gjatë lëvizjeve të makinave.

Qëllimi është të qëllohet në agresorin dhe mos të shkaktohen pasoja të tjera.

Trajnimet e Njësisë gjithmonë kryhen me municione reale dhe në to nuk tolerohen gabime.

Emisionin e plotë mund ta ndiqni në linkun e mëposhtëm: