​Fëmijë të shumtë promovojnë hokejin në Kosovë

Ky festival që po mbahet për herë të parë në vendin tonë, e që përkon më Lojërat Dimërore që po mbahen në Korenë e Jugut, për disa ditë rresht ka mbledh qytetarë të shumtë nga vendi ynë, sidomos fëmijë.

Pas sporteve të patinazhit dhe kërlingut, në ditën e 16-të, është promovuar edhe sporti i hokejit. Dhjetëra fëmijë ishin pjesë te këtij sporti që nga sot është jetësuar edhe në vendin tonë.

Reihane Haliti, përgjegjëse për organizimin e Festivalin Olimpik PyeongChang 2018, i tha KosovaPress-it se sot zyrtarisht u promovua sporti i hokejit në vendin tonë. Sipas saj, gjatë terë këtyre ditëve është bërë përzgjedhja e fëmijëve për këtë sport, e që sipas Halitit, fëmijët janë jashtëzakonisht të kënaqur që kanë pasur rastin të provojnë veten në sportin e hokejit.

“Sot fillojë hokej zyrtarisht më u promovua në Festivalin Olimpik të organizuar nga Komiteti Olimpik i Kosovës, në të njëjtën kohë ku po mbahen Lojërat Dimërore, ku përfaqësuesi i Kosovës është Albin Tahiri, i cili korri suksese optimale. Fëmijët janë përzgjedhur gjatë terë kohës në patinazh, ku është promovimi i patinazhit kërling, sot hokeji veç po vazhdon. Ju mund të shihni që fëmijët janë shumë të kënaqur me hokej. Janë tri grupe të formuara, trajneri i tyre i ka ushtruar gjatë terës kohës, dhe mendojmë sa për fillim hokej që është për herë të parë në Kosovë, ka pasur fillim të mbarë”, tha Haliti.

Ajo ka shtuar se pjesëmarrja e fëmijëve ka qenë shumë e madhe, dhe sipas saj, fëmijët janë vërtetë të kënaqur me Festivalin Olimpik PyeongChang 2018. Madje, Haliti thotë se për organizimin e këtij festivali kanë marrë përgëzime nga shumë shkolla dhe prindërit e fëmijëve.

Ndërkaq, Fatos Rexhepaj, trajner i hokejit e vlerësoi tejet të rëndësishëm jetësimin e hokejit në Kosovë. Sipas tij, pjesëmarrja e fëmijëve ka qenë mjaft e madh në promovimin e hokejit, por sipas tij, edhe në ditët e kaluar të Festivalit Olimpik PyeongChang 2018.

“E vlerësoj shumë pjesëmarrjen e fëmijë, ka mjaftueshëm fëmijë. Këtu bëjnë pjesë disa fëmijë të cilët kanë qenë më aktiv gjatë ditëve të patinazhit. Momentalisht janë t’u zhvilluar lojën e hokejit. Loja hokej mbi akull kjo është loja e parë pasi me promovimin e patinazhit dhe mundësia e madhe e fëmijë këtu na dha një mundësi që të zhvillojmë një lojë të hokejit. Kjo është loja e parë e hokejit që po zhvillohet në Kosovë”, theksoi Rexhepaj.

Festivalin Olimpik PyeongChang 2018 do të vazhdojë edhe nesër, e ku sipas pjesëmarrësve, pritet të ketë fëmijë të shumtë për të shijuar sportet e këtij festivali olimpik.