​Kompanitë gjermane të veturave serish nën ‘llupën’ e BE-së

Autoriteti i Mbikëqyrjes Antimonopol i BE-së po heton nëse prodhuesit e makinave BMW, Daimler dhe Volkswagen kanë rënë dakord fshehurazi për të kufizuar zhvillimin dhe futjen e një sistemi kontrolli të emetimit të automjeteve.

Komisioni Evropian njoftoi sot se kishte marrë informacion se njësitë BMW, Daimler, Volkswagen dhe VW Audi dhe Porsche mbajtën një takim në të cilin ata ranë dakord të mos konkurronin me njëri-tjetrin në zhvillimin dhe prezantimin e teknologjive për të kufizuar ndotjen nga gazrat nga makinat në motorët benzinë dhe naftë, transmeton AP.