5×450=0! Formula që do na bëj krenar të gjithëve me Kosovën!
Kombëtarja e Kosovës në futboll ka vazhduar të na impresionojë me lojën e saj – tani sonte ndaj Ishujve Faroe.
Djelmoshat kosovar sonte kanë mposhtur Ishujt Faroe në kuadër të ndeshjes së dytë në Ligën e Kombeve, në ndeshjen e vlefshme për grupin 3 në Ligën D.
Dhe normalisht se e gjithë kjo ka një arsye. Bëhet fjalë për ardhjen e trajnerit zviceran, Bernard Challandes, i cili zëvendoi Albert Bunjakin në postin e trajnerit, shkruan IndeksOnline.
Kosova në gjashtë ndeshjet e fundit nuk e ka pësuar asnjë humbje, ndërsa në pesë prej tyre nuk ka pësuar gol.
Në gjashtë ndeshjet e fundit, Kosova ka arritur ta mposhtë Lituaninë, Madagaskarin, Burkina Fason, Shqipërinë dhe Ishujt Faroe, teksa ka barazuar, 0-0 me Azerbajxhanin.
Ndërsa, Kombëtarja kosovare nuk ka pësuar gol nga Madagaskari, Burkina Faso, Shqipëria, Azerbajxhani dhe Ishujt Faroe.
Me këmbë në tokë, drejt qëllimeve tona. Forca Kosovë në vazhdim./IndeksOnline/