Albion Rrahmani zë vend në formacionin e javës në Rumani

Futbollisti Albion Rrahmani, është rikthyer fuqishëm pas lëndimit që e pësoi vitin e kaluar.

Ai e shënoi një gol në ndeshjen e fundit që ekipi i tij Rapidi i Bukureshtit e fitoi 2:1 kundër Otelulit.

Rrahmani ka hyrë në formacionin e javës 24 në Rumani.

23-vjeçari edhe pse ka luajtur pak deri më tani, ka arritur që t’i realizoi tetë gola dhe ka bërë dy asistime.

Albion Rrahmani u transferua në Rumani nga Ballkani, pas eksperiencës së jashtëzakonshme që e pati në Superligën e Kosovës.

Rrahmani i ka zhvilluar dy ndeshje edhe me Kombëtaren e Kosovës.