Të shtëna me armë në Vushtrri – policia arreston të dyshuarin, konfiskohet një pistoletë

Policia në Vushtrri ka pranuar informacione për të shtëna me armë zjarri.

Incidenti dyshohet të ketë ndodhur mbrëmë rreth orës 23:00, shkruan IndeksOnline.

Njësitet policore i janë përgjigjur rastit, duke identifikuar dhe ndaluar të dyshuarin.

Gjatë kontrollit në veturën e tij, policia gjeti dhe konfiskoi një pistoletë, me të cilën dyshohet të jetë shtënë në ajër.

“I dyshuari është shoqëruar në stacionin policor dhe, pas intervistimit, me urdhër të prokurorit është liruar në procedurë të rregullt. 

Ndaj tij është iniciuar rast për veprën penale “Mbajtje në pronësi, kontroll ose posedim të paautorizuar të armëve” dhe “Përdorim i armës””, thuhet në njoftimin e policisë./IndeksOnline/