Mjeku italian komenton lëndimin e Rrahmanit, tregon sa do të mungojë

Lëndimi i Amir Rrahmanit në ndeshjen Zvicër – Kosova, është komentuar shumë në ditet e fundit.

Kapiteni i Kosovës u detyrua të largohet nga fusha, derisa pas ekzaminive nga stafi i mjekëve kosovarë, udhëtoi në Itali, për teste të detajuara mjekësore, shkruan IndeksOnline.

Skuadra e Napolit pas konfirmimit të analizave mjekësore. përmes një deklarate njoftoi se Amir Rrahmani një këputje e lehtë e bicepsit femoris në kofshën e djathtë.

Derisa mjeku i skuadrës italiane, Raffaele Canonico, duke folur për lëndimin e tij, tha se rikuperimi nuk merr shumë kohë.

“Rrahmani e pësoi një lëndim të shkallës së ulët në bicepsin femoral. Ka filluar tashmë trajtimin rehabilitues. Lëndimet muskulare mund të kenë një periudhë rikuperimi nga 2 deri në 12 javë, në varësi të faktorëve të ndryshëm. Ky është një lëndim i lehtë, ndaj mendoj se do të mungojë vetëm për disa ndeshje”, tha Canonico për mediat italiane./IndeksOnline/