Chris Evans rikthehet si “Kapiten Amerika”

Zyrtarisht, Chris Evans është rikthyer si “Kapiten Amerika”, teksa bëri rikthimin e tij tronditës në “teaser”-in e ri të publikuar për filmin Avengers: Doomsday.

Pas më shumë se një viti thashethemesh se aktori 44-vjeçar do të kthehej në rolin e tij të superheroit, pavarësisht se ishte lënë jashtë loje, kjo u konfirmua me publikimin zyrtar të klipit të shkurtër të martën.

Rikthimi i Evansit si “Kapiten Amerika”, i njohur edhe si Steve Rogers, nuk ishte lajmi i vetëm i madh nga klipi njëminutësh, pasi ai shfaqet duke mbajtur një foshnjë me një buzëqeshje në fytyrë drejt fundit të tij.

Përfshirja e tij në “trailer” mund të jetë alarmante për disa, pasi filmi i vitit 2019, Avengers: Endgame, përfundoi pas humbjes së Thanos-it, ku Rogers-i i kthen “Infinity Stones” në vijën e tyre kohore origjinale dhe zgjedh të jetojë në të kaluarën me dashurinë e tij të vetme të vërtetë, Peggy Carter.

Ai kthehet si një burrë i moshuar për t’ia kaluar mburojën e tij ikonike të “Kapiten Amerikës”, Sam Wilsonit, i njohur edhe si “Falcon”.

Sidoqoftë, klipi paralajmërues tregon se ai do të rikthehet si personazhi i tij karakteristik superhero, pasi u pa duke parë veshjen e tij të “Kapiten Amerikës”.