A ishte Dembele në ”offside” para asistimit drejt Piques?
Fitorja e Barcelonës, 2-0 ndaj Villarealit ia ka dhënë katalunasve tri pikët e nevojshme për ta ri-marrë kreun e tabelës në La Liga.
Megjithatë, pas ndeshjes, ka pasur dyshime në lidhje me validitetin e golit të parë të shënuar nga Gerard Pique.
Pavarsisht se Villareali është në ”luftë” për mbijetesë, katalunasit nuk bën paraqitje bindëse mbrëmë, transmeton IndeksOnline.
Goli i parë nga Pique erdhi 10 minuta para përfundimit të pjesës së parë, ku mbrojtësi spanjoll shënoi me kokë, para se Alena ta shënonte golin e dytë në pjesën tjetër për t’i qetësuar tifozët në ”Camp Nou”.
Por, goli nga Pique është ri-shikuar disa herë dhe thuhet se Ousmane Dembele ishte në pozitë jashtë loje pasi topi iu kthye duke u kombinuar me Sergio Busquets.
Nga ky kombinim, erdhi asistimi deçiziv i Dembeles drejt Piques. Në këtë rast, VAR nuk është përfshirë./IndeksOnline/