Abdixhiku fton Qeverinë për nivelizim të pagave pa përjashtime

Deputeti i Lidhjes Demokratike të Kosovës (LDK), Lumir Abdixhiku ka treguar se ka nënshkruar rekomandimin e Komisionit për Buxhet, që bën zvogëlimin e pagave të menaxhmentit të Trustit për 25 për qind.

Këtë ai e ka bërë të ditur përmes një postimi në Facebook, duke thënë se kjo edhe do i nivelizojë ato me të Bankës Qendrore, transmeton Indeksonline.

Me këtë rast, ai ka bërë thirrje për nivelizim të pagave në vend, për të gjithë pa përjashtim.

Ky është postimi i tij:

Shkojmë edhe me një.

Sot nënshkrova rekomandimin e Komisionit për Buxhet që bën zvogëlimin e pagave të menaxhmentit të Trustit për 25%; e i nivelizon ato me të Bankës Qendrore. I falenderoj gjithë anëtarët e Komisionit që ideuan dhe votuan këtë rekomandim.

Konsideroj se paga publike prej 5,000 eurove është disproporcionale me realitetin ekonomik e social në Kosovë. Ajo para së gjithash paraqet mosrespekt ndaj takspaguesve kosovarë. Po me kaq puna jonë s’mjafton. Prandaj e ftojmë qeverinë që të sjellë Ligjin mbi Paga me qëllim të nivelizimit të tyre në vend – për të gjithë pa përjashtim./Indeksonline/