Arteta i fiksuar me sulmuesin rekordmen, Bayerni ka një kusht

Edhe Arsenali i bashkohet garës për Kingsley Coman, i cili është afër fundit të aventurës me Bayern Munich. PSG kërkon ta rikthejë në Francë, ndërkohë që Mikel Arteta është gati ta mirëpresë në skuadrën e tij.

Sulmuesi i majtë kërkon garanci aktivizimi te Gunners, ndërkohë që te Bayerni nuk e cilësojnë të pashitshëm. Dhe kërkojnë rreth 60 mln euro për kartonin e 28-vjeçarit.

Bavarezët janë gati të pranojnë edhe huazimin e francezit, por me kushtin që në marrëveshjen mes klubeve të aktivizohet detyrimi i blerjes së tij nga Arsenali në verën e ardhshme.

Coman, autor i 57 ndeshjeve dhe 8 golave me “Gjelat” e Deschamps, është pjesë e Bayernit prej gushtit të vitit 2015. Dhe gjatë këtyre viteve ka fituar plot 19 trofe me rekordmenët e futbollit gjerman.

Përveç PSG-së dhe Arsenalit, edhe Barcelona po monitoron me kujdes situatën e Coman, i cili pëlqehet shumë nga Flick, ish-tekniku i tij te Bayernit. Por problem mbetet mungesa e milionave në arkat e klubit katalanas.