Buffon zbulon dy ndeshjet e karrierës së tij që do të dëshironte t’i rikthente

Legjenda e  Juventusit dhe Italisë, Gianluigi Buffon ka zbuluar dy ndeshje të karrierës së tij të jashtëzakonshme që ai do t’i luante përsëri.

Pavarësisht sukseseve të tij të jashtëzakonshme, ai thotë se dy lojë të karrierës dëshiron t’i kthej edhe njëherë.

Bëhet fjalë për finalen e evropianit të vitit 2012 kundër Spanjës dhe finalen e Ligës së Kampionëve kundër Real Madridit.

“Po, do të doja të riktheja finalen e Ligës së Kampionëve të vitit të kaluar dhe finalen e Euro 2012, Itali-Spanjë, sepse këto janë të vetmet ndeshje ku kemi humbur edhe në aspektin e cilësive dhe karakteristikave të Juve dhe Italisë”, deklaroi Buffon.

40 vjeçari pritet të tërhiqet përfundimisht nga futbolli i luajtur në fund të sezonit pas një qëndrimi 17 vjeçar te Juventusi.  /IndeksOnline/