Dalin të “zezat” në Vetëvendosje, Fisi me Avniun me komente akuzuese
Përplasjet brenda zyrtarëve të Lëvizjes Vetëvendosje po vazhdojnë edhe më tutje.
Kësaj radhe ishte ish-kandidati për kryetar të Fushës Kosovës nga radhët e Lëvizjes Vetëvendosjes, Avni Zogiani, ai i cili ka bërë një koment duke përmendur dhe emrin e Fisnik Ismailit.
Zogiani ka ironizuar me të duke thënë “qenka prek në sedër edhe Fisi a?”.
Ai tutje e ka akuzuar deputetin Ismaili se ka shfrytëzuar milionët e Postës së Kosovës.
Sigurisht, këtij komenti edhe iu kundërpërgjigj ky i fundit.
Ismaili i ka thënë të mos i flas për sedër atij, duke thënë se është vet Zogianin e kanë privilegjuar shumë Vetëvendosje, ani pse ai nuk arriti të zërë ulëse në Kuvend.
Ndryshe, është vet Ismaili ai i cili ka reaguar menjëherë pas zgjedhjeve të brendshme që u mbajtën në Lëvizjen Vetëvendosje.
Përmes një statusi në Facebook, Ismaili ka thënë se mos shqetësimi i numrit të madh që nuk kanë marrë pjesë në zgjedhjet e brendshme, tregon vec arrogancën e saj dhe duke shtuar se fitorja e zgjedhjeve të fundit është humbja më e madhe e Lëvizjes deri tash./Indeksonline/