Dreshaj për miratimin e ligjit të ri: Kosova po bëhet me Ramushin kryeministër

Deputeti i Kuvendit nga radhët e AAK-së, Gani Dreshaj ka shkruar pas miratimit nga Qeveria të Ligjit për Dhënien në Shfrytëzim dhe Këmbim të Pronës së Paluajtshme komunale.

Dreshaj ka  thënë se Kosova po bëhet çdo herë me Ramushin kryeministër, transmeton Indeksonline.

Ai po ashtu thotë se ligji në fjalë i hapë rrugë përmes dhënies në shfrytëzim dhe këmbim të pronës të stimulohet zhvillimi ekonomik lokal.

Postimi i plotë:

Kosova po bëhet me Ramushin kryeministër.

Kam kënaqësinë të njoftoj qytetarët e Istogut dhe 37 komunave të Kosovës se sot qeveria ka miratuar Ligjin për Dhënien në Shfrytëzim dhe Këmbim të Pronës së Paluajtshme Komunale.

Ky ligj, i hapë rrugë që përmes dhënies në shfrytëzim dhe këmbim të pronës të stimulohet zhvillimi ekonomik lokal.

Po ashtu, ligji jep mundësi të veçantë që prona komunale të kthehet në potencial për partneritet me sektorin privat dhe investitorët qofshin vendor apo të huaj.G.D/Indeksonline/