Dy humbje të papranueshme, KB Prizreni prezanton Cristian Bradford
Pas dy humbjeve të KB Prizrenit, shtabi teknik së bashku me bordin drejtues, bënë një analizë të rezultateve për 6 xhirot e para dhe të arriturat e ekipit.
Për shkak të lëndimit të Jaquan Smith, i cili është një muaj jashtë fushës dhe akoma nuk dihet koha e rikthimit të tij, klubi ka vlerësuar se ekipi ka nevojë për përforcim me një lojtar shtesë.
Përforcimi i cili e plotëson skuadrën nga Prizreni është fundori Cristian Bradford, i cili luan në pozitat 2/1, transmeton IndeksOnline.
Ai ka luajtur së fundi në ekipin e Radford Highlanders University në NCAA1.
Pas plotësimit të dokumentacionit, Cristian Bradford do të ketë mundësinë të paraqitet në lojën e radhës, kundër Prishtinës.
Kjo ndeshje do të zhvillohet të dielën, në palestrën e sporteve “Sezai Surroi” në Prizren, duke filluar prej orës 17:00./IndeksOnline/