Edhe shqiptarët e Maq. së Veriut, duhet ta refuzojnë “minishengenin” e Vuçiqit dhe të Edi Ramës!

Projekti i minishengenit (si dublifikim i CEFTA-s) që s’ështē as made in Europe, e as made in Usa, por kryekput projekt dhe ide pansllave, me “kumbarët” Aleksandër Vuçiqin dhe Edi Ramën, midis shumë qëllimeve djallëzore, ka edhe këto;

1. Ta margjinalizojë edhe më shumë Kosovën, nga mekanizmat rajonalë, sidomos ata kontinentalë e globalë. Duke e mbajtur ate edhe më tej nën kontrollin dhe monopolin: juridik (de jure; në preambulë të Kushtetutës serbe ende figuron Kosova pjesë integrale e  Serbisë!); politik e ekonomik serb. Ta dërrmojë duke e defaktorizuar; strategjikisht (ëndrra për dalje në deti ende është e gjallë, ku kanë ndryshuar vetëm metodat dhe mjetetet) dhe; ekonomikisht (duke tentuar që në emër të tregut dhe qarkullimit të lirë, të monopolizojë pasuritë mbitokësore /që ka të bëjë me turizmin/dhe ato nëntokësore. Tjetër, Shqipëria de facto dhe de jure e certifikon Serbinë, ndërkaq e margjinalizon Kosovën, duke e bërë atë “zorrë qorrë” në mënyrë që shumë më lehtë të gllabëroj ekonomikisht ate dhe resurset e saja.

2. Ta dobësojë me pozicionime fillestare Kosovën në marrëveshjen finale që supozohet të arrihet me Serbinë. Tani, historia e ndodhur, ku Kosova ka pase një përvojë të hidhur me “minishengenin” e ish Jugosllavise, ku Kosova gjatë gjithë kēsaj “martese” ishte; 7 herë më e pazhvilluar se sa Sllovenia; 6 herë Kroacia; 5 herë Serbia…Llogaritë plus edhe shkatërrimet e luftës së ndodhur në vitin 199, ku me siguri ky raport me Serbinë ēshtë thelluar dukshëm.. dhe do kuptohet esenca e ngurrimit dhe rezervave që duhet t’i bejē Kosova, ndajë kurthit të qajtur minishengen ballkanik!?

3. Shqipëria s’duhet harruar që me Kosovën ka nënshkru një Marrëveshje, ku ajo merr shumë nga obligimet e mirëmbajtjes sē politikēs së jashtme. Ideja e minishingenit në fakt nuk ēshtē veç një lloj klubi debatik, ku do farkohet imazhi i rrejshem se gjëja shqiptaret “nga i gjithë rajoni do jenë të bashkuar” dhe nē një ambient të ri gjëja social, politik, ekonomik e kulturor. Por, edhe një “menagjer” i sofistikuar socioekonomik që do kontrollohej ekskluzivisht nga Serbia, dhe padronēt e saj Rusia e Putinit. Andaj as partitë shqiptare në Maqedoni, s’do duhej asesi të vetmuara ta Pranojnë një Projekt të tillē… gjithësesi; antishqiptar! Ngase, shqiptarëve politikisht, dielli duhet t’u lind kah përëndimi (BE, USA), e jo kah lindja ( Rusia e Evroazia).