Erdogan e nis me provokim vizitën në Gjermani
Presidenti turk Rexhep Tajip Erdogan mbërriti në Gjermani për një vizitë zyrtare, me ftesë të homologut Frank-Walter Steinmeier. Kjo është vizita e tij të parë zyrtare në një vend pas tranzicionit të Turqisë në një sistem presidencial qeverisjeje.
Ai shkon në një vend si Gjermania, ku vitet e fundit ka fërkime me qeverinë e Berlinit për një sërë çështjesh. Në këtë atmosferë, ku një pjesë e politikës, e opinionit dhe e medias, priren ta shohin me syrin kritik këtë vizitë, është pikasur dhe një detaj që më pas është marrë si provokim.
Höchste Sicherheitsstufe beim #Erdoganbesuch am #Brandenburgertor: Polizisten gewähren nur akkreditierten Besuchern oder Bediensteten, die in umliegenden Gebäuden arbeiten, Einlass. Es ist friedlich. pic.twitter.com/HxsCDpG95q
— John Puthenpurackal (@John_BILDde) September 27, 2018
Në një rrugë 500 metra para Portës së Brandenburgut, Erdogan ka hapur xhamin e Mercedes Maybach ku ndodhej së bashku me të shoqen, Eminenë, dhe ka përshëndetur në një mënyrë që Bild e ka përkthyer si simbol të Vëllazërisë Muslimane në Egjipt gjatë protestave në Sheshin Rabia, teksa kundërshtohej rrëzimi me grusht shteti i Presidentit të zgjedhur Mohammed Morsi. Gjykuar nga rrethanat, Erdogan nuk ka patur arsye ta bëjë këtë gjë, por gjithsesi vërtet që dora e tij ka qenë në formën e atij simboli.
Vizita e Erdogan ka blinduar pothuajse të gjithë Berlinin. Policia gjermane ka qenë e angazhuar maksimalisht në sigurinë e çiftit presidencial turk, i akomoduar në Hotel Adlon, pranë Portës së Brandenburgut.