Federata Turke e Futbollit shpreh ngushëllime për ndarjen nga jeta të Mircea Lucescu

Federata Turke e Futbollit ka shprehur ngushëllimet e saj më të thella për ndarjen nga jeta të legjendës së futbollit rumun, Mircea Lucescu, në moshën 80-vjeçare.

Lajmi ka shkaktuar trishtim në botën e futbollit turk, pasi Lucescu ishte një figurë e njohur jo vetëm për sukseset e tij në klube, por edhe për periudhën kur shërbeu si trajner i Kombëtares Turke nga 2017 deri në 2019, shkruan IndeksOnline.

Federata theksoi se Lucescu, i cili u dha mundësi lojtarëve të rinj të afirmoheshin në ekipin kombëtar, do të mbahet mend gjithmonë për kontributet e tij në futbollin turk, si në nivel kombëtar, ashtu edhe në atë të klubeve.

Ai fitoi Superkupën e UEFA me Galatasaray në vitin 2000 dhe u shpall kampion i Turqisë në sezonin 2001/02, ndërsa më pas udhëhoqi Besiktasin drejt titullit në 100-vjetorin e klubit.

Në një moment të jashtëzakonshëm, Lucescu drejtoi Rumaninë në gjysmëfinalen e play-off-it për Kupën e Botës 2026 kundër Turqisë në Stamboll më 26 mars, pavarësisht gjendjes së tij të dobët shëndetësore, duke u bërë trajneri më i moshuar aktiv në nivel kombëtar. Ai u shtrua në spital më 31 mars pas një ataku gjatë një mbledhjeje të ekipit dhe pësoi një atak në zemër në ditën kur pritej të dilte nga spitali.

Federata Turke e Futbollit shprehu ngushëllimet e saj të sinqerta familjes së Mircea Lucescu, të afërmve, Federatës Rumune të Futbollit dhe klubeve Beşiktaş dhe Galatasaray, duke theksuar se kontributi i tij në futboll do të mbetet i paharrueshëm./IndeksOnline/

A Millî Takımımızın ve Romanya Millî Takımının eski teknik direktörü Mircea Lucescu, kalbiyle ilgili yaşadığı bir dizi rahatsızlık sonrası tedavi gördüğü hastanede 80 yaşında hayatını kaybetti.

34 yaşında başladığı antrenörlük kariyerinde elde ettiği başarılarla dünyanın en çok… pic.twitter.com/NHCu7fUWHF

— TFF (@TFF_Org) April 7, 2026