Gëzimi ua dërgon një ‘selam’ atyre që po i ofendojnë myslimanët

Ish-deputeti i Kuvendit, njëherësh kryetari i Partisë “Fjala”, Gëzim Kelmendi përmes një statusi në “Facebook” ka thënë se muslimanët kosovarë janë duke u shtypur. Duke mos përmendur rastin e zv/ministrit Gjergj Dedaj, Kelmendi theksoi se disa politikanë po shkelin dhe fyejnë identitetin fetar.

“Mos harroni se ne muslimanët e Kosovës rreth 600 vite kemi sunduar dynjanë, të krishterët i kemi bërë pashallarë, ndërsa hebrenjtë i kemi shpëtuar nga inkuizicioni. Prapë do ta kemi pushtetin dhe atëherë do ta kuptoni çka dmth drejtësia, respektimi i feve dhe nacionaliteteve të ndryshme”, ka thënë ai.

Postimi i plotë:

Ne muslimanët e Kosovës

Ne muslimanët e Kosovës jemi duke përjetuar shtypjen dhe zullumin më të madh që prej rënies së komunizmit dhe regjimit të Millosheviçit.
Shumë politikanë të Kosovës shkelin dhe fyejnë identitetin tonë fetar.
Edhe pse thirren në respektim të të gjitha feve dhe nacionaliteteve, këtë nuk e bëjnë për qytetarët musliman të Kosovës që përbëjnë rreth 96% të popullsisë së Kosovës.

Toleranca ndërfetare në Kosovë është:
“me marrë paga dhe meditje nga qytetarët musliman të Kosovës, dhe me iu fy besimin Islam të tyre”.
Askund në botë nuk ka tolerancë ndërfetare më të madhe se në Kosovë.
Vetëm muslimanët e durojnë këtë zullum.
Me taksat dhe paratë e muslimanëve pasurohen politikanët dhe e fyjnë besimin Islam dhe identitetin e tyre.

“Çdo gjë këputet prej së holli, ndërsa zullumi këputet prej së trashi”.

Mos harroni se ne muslimanët e Kosovës rreth 600 vite kemi sunduar dynjanë, të krishterët i kemi bërë pashallarë, ndërsa hebrenjtë i kemi shpëtuar nga inkuizicioni. Prap do ta kemi pushtetin dhe atëherë do ta kuptoni çka dmth drejtësia, respektimi i feve dhe nacionaliteteve të ndryshme.

Gëzim Kelmendi