13:08 / E Hënë, 30 Nëntor 2020 / Ensar Ramadani

Ja dedikoi golin Maradonës, Messi gjobitet nga La Liga

Ndaj Osasunas Lionel Messi u rikthye te goli në La Liga, një gol i bukur nga distanca, të cilin ylli argjentinas ia dedikoi bashkëkombasit të tij Diego Armando Maradona, i cili u nda nga jeta pak ditë më parë.

Pas golit “Pleshti” hoqi fanellën e Barcelonës për të treguar një tjetër të veshur nga Maradona te Newell’si, klubi ku edhe Messi hodhi hapat e tij të parë në fushën e blertë.

Për këtë gjest Messi është gjobitur nga La Liga me 3 mijë euro, sepse rregullat e sponsorimit përcaktojnë qartë se nuk duhet të zbulosh emra kompanish apo logo jashtë La Ligas.

Messi e bëri këtë dhe duhet të paguajë gjobën modeste, e cila ka ngjallur edhe indicie për shaka në rrjetet sociale.

 Paga e Messit në javë është 565 mijë euro dhe në një llogari të thjeshtë kapiteni i Barçës e paguan atë për 12.7 minuta, që mund të jetë koha kur ai shkon në tualet në mëngjes.