Kadaj-Bujupi: AAK është gati për zgjedhje

Deputetja e AAK Donika Kadaj-Bujupi ka deklaruar se partia e saj kurrë s`ka qenë në pozicion më të fortë në aspektin elektoral.

Në Imazh të RTK-së ajo tha se AAK-ja nuk është kundër zgjedhjeve.

Ajo i ka quajtur të pabazuara deklarimet e opozitës, pasi që sipas saj Qeveria Haradinaj po merr vendime të rëndësishme.

Bojkotin e opozitës për projektligjin për Kompleksin Memorial “Adem Jashari”, rezolutën për shtesat e fëmijëve, Kadaj-Bujupi e ka quajtur absurd opozitar.

Sipas saj Kuvendi nuk është i bllokuar, por tha se opozita po e proklamon këtë duke kërkuar zgjedhje.