21:10 / E Mërkurë, 17 Janar 2018 / indeksADMonline

Kelmendi: Buja për vdekjen e Ivanoviqit ishte e tepërt, ai ka vrarë shqiptar gjatë luftës

Kryetari i Partisë “Fjala”, Gëzim Kelmendi, ka theksuar se më tepër është bërë bujë për vrasjen e Oliver Ivanoviqit se sa për përkujtimin e masakrës së Reçakut.

Ai në RTV Dukagjini, ka thënë se ka pasur një reagim të ekzagjeruar për vrasjen e liderit serb në veri, Oliver Ivanoviq.

“Nuk jam kundër që ky akt të dënohet, mirëpo pse kaq shuëm t’i jepet bujë kësaj vrasje, kur dihet se Ivanoviq është dënuar për krime të luftës në Kosovës. Ai ka vrarë shqiptarë. Për një kriminel lufte gjithë ajo bujë, kur ne e kishim edhe përkujtimin e masakrës së Reçakut, me ç’rast u mjaftuan me nga një deklaratë”, ka theksuar Kelmendi.