Komenti interesant i Allegrit për Topin e Artë të Luka Modriqit

Massimiliano Allegri ka bërë një koment më ndryshe për Topin e Artë të Luka Modriqit. Trajneri italian mendon se ky sukses i kroatit do të shërbejë si stimulim i fortë për Cristiano Ronaldon.

“Cristiano e meritoi Topin e Artë për atë që ka bërë në Ligën e Kampionëve.

Por, fitorja e Modriq do të jetë një stimulim i fuqishëm që Ronaldo të fitojë Topin e Artë të gjashtë.

Ai ka rritur nivelin e madh të profesionalizmit, është një lojtar i jashtëzakonshëm, një djalë i përulur që është përshtatur shumë mirë në grup.

Ai është një shembull për të rinjtë, pavarësisht sukseseve të tij dhe 33 viteve që ka mbi supe, nuk ndalet së punuari” ka thënë Allegri./Indeksonline/