Konfirmohet nga Federata e Egjiptit: Salah rikthehet në Botëror (Foto)

Mohammed Salah do të jetë i gatshëm për Kupën e Botës.

Ylli i Liverpoolit luajti vetëm 31-minuta në finalen e madhe të Ligës së Kampioneve ndaj Real Madridit. Egjiptiani u zëvendësua nga Lallana, pasi lëndoi rëndë kraharorin, transmeton IndeksOnline.

Salah u largua me lot në sy dhe të gjithë menduan se ai do ta humbas edhe Kampionatin Botëror që nis nga 14 qershori.

Megjithatë, Federata e Futbollit të Egjiptit ka kontaktuar me mjekun e klubit anglez, i cili ia ka dhënë një përgjigje pozitive.

“Gjatë thirrjes telefonike të kryer nga misioni kombëtar, për ta kontrolluar rastin e Mohammed Salah, zyrtarët e Liverpoolit thanë se rrezatimi u krye në shpatullën e Salahut dhe tregoi se ka një lëndim në nyjet e shpatullave. Dr. Abu Ela shprehu optimizëm se më këtë diagnozë, Salah mund të jetë i gatshëm për Kupën e Botës”, shkruhet në njoftimin e Federatës Egjiptiane.

Salah ka shkëlqyer këtë sezon, por ai nuk arriti ta fitonte asnjë titull me klubin anglez, Liverpool. Ndeshja në fund përfundoi me fitore të madrilenëve 3 me 1./IndeksOnline/

خلال المتابعة الهاتفية التي تجريها بعثة المنتخب الوطني في إيطاليا للاطمئنان على حالة محمد صلاح أفاد المسئولون بليفربول أنه تم إجراء الآشعة على كتف صلاح وأظهرت أن الاصابة جزع في أربطة مفصل الكتف وأعرب الدكتور أبو العلا عن تفاؤله بأن يلحق صلاح بمباريات كأس العالم وفق هذا التشخيص .

— EFA.eg (@EFA) May 26, 2018