13:05 / E Martë, 02 Mars 2021 / A. S

Kurti s’e harron bashkimin kombëtar: Është intenca historike dhe dëshira e shqiptarëve

Kreu Lëvizjes Vetëvendosje, Albin Kurti, po qëndron në Lezhë me rastin e  e 577-vjetorit të Besëlidhjes së Lezhës, është pyetur nga gazetarët në lidhje me qëndrimin e tij për bashkim kombëtar, duke thënë se në Kushtetutën e Kosovës janë dy nene kundërthënëse. Derisa në njërin nen thuhet se Kosova është shtet i pavarur, në tjetrin i ndalohet të vendosë për t’u bashkuar me ndonjë shtet tjetër.

Kurti ka thënë se bashkimi me Shqipërinë edhe si proces është diçka që kërkon kohë por se kjo është intenca historike dhe dëshira e shqiptarëve.

“Për bashkimin duhet të kalojë më shumë kohë, ajo është intenca historike e dëshira e shqiptarëve”, tha Kurti.