Mbledhje përkujtimore kushtuar shkrimtarit shqiptar

“Indeksonline” njoftoi mbrëmë se pas një sëmundje të rëndë ndërroi jetë shkrimtari i njohur, Ramadan Haziri.

Lidhur me këtë, sot në Ferizaj mbahet mbledhje përkujtimore kushtuar ish të burgosurit politik dhe shkrimtarit, Ramadan Haziri, i cili ndërroi jetë një ditë më parë në Ferizaj.

“Në kujtim të jetës dhe veprës të intelektualit, Ramadan Haziri, Komuna e Ferizajt më datë 2 shtator, ora 10:00 në Teatrin “Adriana” organizon mbledhje komemorative. Kryetari i Komunës së Ferizajt, Agim Aliu i shpreh ngushëllime familjes Haziri, miqve dhe të njohurve të tij, duke e vlerësuar lartë figurën e tij, angazhimin shumëvjeçar e të pakursyer për çështjen kombëtare si dhe kontributin në artin dhe kulturën ferizajase e mbarëkombëtare”, thuhet në njoftimin e Komunës së Ferizajt./Indeksonline/